آذربايجان اودلو ائليم
بالدان شيرين توركو ديليم
دالغالانديرير منيم سئليم
هيمته قوربان من اولوم.
آسلان كيمي نعره چكه ن
نامردلرين قدين بوكه ن
بابك كيمين رهبر سئچه ن
جراته قوربان من اولوم.
قوي دئييم بير بابك`يمدن
اؤز يوردومون ار تكيندن
دوشمنلري قير كؤكوندن
ميللته قوربان من اولوم.
جاوانلارين غئيرتي وار
قوجالارين حؤرمتي وار
گئچميش ائلين عيزتي وار
عيزته قوربان من اولوم.
ساوالان تك داغلاريميز
چيچكليدير باغلاريميز
كوراوغلوموز٬ نيگاريميز
قامته قوربان من اولوم.
سازلي صؤحبتلي آشيقلار
اينسانلارا جان باغيشلار
قوي قار ياغسين هم ياغيشلار
صؤحبته قوربان من اولوم.
سرين – سرين بولاقلارين
قويونلارين٬ قوزولارين
ياشيل باشلي سونالارين
قيرآت`ا قوربان من اولوم.
پئيمانه لر دول-ها-دولا
ايگيدلرين ساغدان سولا
جان وئره ريك بيز بو يولدا
قدرته قوربان من اولوم.
يورولماسين ائللريميز
هئچ سولماسين گوللريميز
لال اولماسين ديللريميز
نييته قوربان من اولوم.
دومان داغلار باشيندادير
بوزقوردلاريم يانيندادير
خوش گونلريم ياخيندادير
شؤوكته قوربان من اولوم.
آذربايجان ميللي شهيدي "توحيد آذريون" - سولدوزدان
+
نوشته شده در شنبه بیست و هشتم بهمن 1385ساعت 11:24 قبل از ظهر توسط محسن
