| تبليغات | X |
بو ياخين لار دا عزيز دوستلاريمين بيريسيني گورمه يه
گئتميشديم ، چيخارديب بو شعري منه اوخودو ، من چوخ خوشلانديم
دئديم سيز لره ده يازيم بلكه بير آز بير هاوا دئييشسين !
ائيله ميشدي بيري عزم عـتبا ت ،
ايسته ييردي هامي اوندان سوقا ت ،
او دئييردي منه سجاده گتير !
بو دئييردي من ه لبا ده گتير !
ايسته ييردي بيري فيروزه اوزوك
بيري خورما ، بيري انجير ، بيري كورك
هاميسي نيسيه ، فقط ضربعلي خان ــ
اليني سالدي جيبه ، بير جه قيران ،
چيخاريب وئردي كي ، : « آي ساققالي چا ل !
مومكون اولسا ، منه ده بير توتك آ ل »
مشدي نين دوشدو پولا چونكو گوزو ،
سويله دي ضربعلي خانه بو سوزو :
ائله دين سن اوزونه مال توته يي ،
ايندي د ن ضربعلي جان ! چال توته يي .
بیر صمد وورغون شعری
بير جوجوق ايديم يئره گومديلار سني
حياتا قانادسيز آتديلار مني
باخ نئجه پوزولوب عمرين گلشني
حيات سن سيز منه زنداندير آنا!
قوينوندا بسله نر گوزل ديلكلر
لاييقدير سجده يه سنه ملكلر
نرده سن، گوزلريم هپ سني بكلر
باخ اولادين ناسيل گرياندير آنا!
سن بير گونش ايدين، دوغدوندا باتدين
يازيق اولاديني غملره آتدين
بير جواب وئر، هانكي مرادا چاتدين
تورپاقلاردا نئچه زماندير آنا!؟
بير آه چكسم سنسيز قوپمازمي طوفان؟
عزيزيم آنا جان، گوزوم آنا جان
يوموق گوزلريني آچ دابير اويان
ايندي زمان باشقا زماندير آنا!
ييخيليب پايينه اولمك ايسته رم
آناليق مهريني گورمك ايسته رم
سني گورمك ايچون اولمك ايسته رم
تسلليم آه ايله فغاندير آنا!