بير ديريني  اوزونه آييريب دير.  (آشاغي يوخاري  3/ 2 و ،   يا دا   70%  يني )

بير 75 كيلو لوق آدامين بد نينده 50 - 40  ليتره  سو  وارد ير .  اركك لرين بدنينين

سو اولچو سو (مقداري ) قادين لار ا  گوره بير آز چوخ دور .  ياش آرتديقجا بد نين 

سو  مقداري دا آزالماقدا دير . قانين   83  %  و ، عضله لرين  75 % ي ، بئينين

74 % و ، سوموكلرين  22 % سي  ، و ياغلارين  25 %  ي  ، سو دان  دوزلميشدير .

آدام ائليه بيلير فقط 10- 5  گون  سو سوز ياشاسين .  بويوك لرين بدني هر گون 3-2 

ليتره سو الدن وئرير كي بونون يئرين دولدورماقدان اوتورو گرك سو ايچسينلر .

اورتالاما  هر كسين گون بويونجا   2 ليتره ،   يادا  8  ليوان  سو  يا  احتياجي وار.

سو يون بد نه گير مه يوللاري

* آخيجي ( مايع )  لارين ايچيلمه سيندن

* يئدييميز غذا لار لا بير ليكته   ( حتي  قورو  بيسكيويت  ده ده سو وار )

* ييه جك لرين هيد روژنينين يانما سي سيراسيندا  (  آشاغي يوخار ي گونده

   ياريم ليتره )

سويون بدن دن چيخما يوللاري

* سو پئشابي ( ادرار )  بويرك لر  ايله  ( 50 % ) 

* ترله مك   دري يولو ايله ( ايسسي و نملي هاوالاردا و بد ن چاليشمالاريندا-

     بو دير آرتار )

* نفس وئردييميز هاوا يولو ايله ( سويوق و قورو هاوا لاردا بونون ديري آرتار )

* بويوك ائشيه گئتمكله   ( 200- 150 ميلي ليتره )  ايسال  حاليندا بو مقدار آرتار .

سو يون بد نه فايدا لاري

* بد ن سلول لارينين ايشلك لييني و سلامتليينين ساخلاماسي. 

* بدن ده چوخ قدرتلي بير اريد يجي ( حلال ) اولاراق. 

* قانين دامار لار دا راحات دو لانماسي اوچون  ، دورو ( رقيق ) ائله مه سي .

* تر له مكله  بد نين ايسسي سين و سرينليينين دوزلتمه سيني .

     * آغزين و آق جييرين مخاط اورتوسونون ( غشا سينين ) نملي ساخلاماسي .

     * سينديريم ( گوارش )  سيستيمينين و  اوينا ق لارين ( مفصل لرين )

         راحات چاليشديرماسي  .

     *  سودوك تورباسينين ( مثانه نين )   باكتري لريني آتماسي ايله

          مثانه نين  هوونون ( آما س ) آرادان آپار ماسي .

   * ييه جك لرين  سيند يريمينده  ( هضمينده ) فايدا لانماق و

           يبوست دن قورونماق .

     * مغذي ( قيدالي ) ماد ه لرين و اكسيژ نين بد نين سلول لارينا داشيماسي .

     * گوز لرين ، درينين ، آغزين و نفس يوللارينين نم لنديرمه سي .

   * بير قورويوجو تكين  ( ضربه گير ) گوز ده ، حرام ايليك ده ( نخاع دا ) و

     آمنيوتيك كيسه ده كي  جنين دن مواظب اولماق .

   * بد نين متابوليزماسيندان وجودا گلن آرتيق ماده لرين ( اوره ، كاربن دي اكسي )

     تميز لنمه سي و آتيلماسي .

   * بدن ده كي الكتروليت لرين  ( سديم و پتاسيم ) اولچوسون دوزلتمه سي .

   * بدن انرژي سينين آرتير ماسي .

   * جيسماني ( فيزيكي )   و ذهني   ايشلك ليين آرتيرماسي .

   *  بدن ده كي سم لرين  يوغوب تميز له مه سي .

   * بدن آغير ليغينين  آزالتماسينا يارديمي .

   * باش دونمه سين و باش آغريسينين آزالتماسي .

   * چوخ سو ايچمك بعضي در ي  خسته ليك لرينين  ( اگزما ، پسوريازيس ،

     دري چاتلاماسي و بوزوشمه سينين ... )  قاباغين  آلار .

بدنيزه گركلي اولچو ده سو يئتير مه سيز ، بدن ده سو آزاليب و سو سوزلوق

 بليرتي لري سيز ده  گوروله جك كي آشاغيدا يازيلير .

-         باش آغري سي

-         حالسيزليق و اويوشوقلوق ( رخوت )

-         قيليق ( خلق ) دئيشمه سي

-         قارا جيير ده تئپكي ( وا كنش )

-         قورو و چاتلاق دوداقلار

-         توخ  رنگده  سو  پئشابي

-         يورقونلوق و جانسيزليق

-         داغينيقليق ( پريشانليق )

بدن ده نيه سوسوزلوق مئيدانا گلير

-         آغير بدن چاليشمالاريندان سورا  آشيري ترله مه ،  تب ، ايسسي و نملي هاوا

-         گركلي اولچو ده سو ايچمه مك

-         ديابت  (  قند خسته لييي )

-         يوخاري تانسيون  ( فشار خون )

-         اويوشدوروجو ( مخدر ) ايلاج لار ( داوا لار )

-         بويرك يئتر سيزلييي ( نارسائي كليوي )

-         قيدا زهير لنمه سي ( مسموميت غذائي )

-         ايسال و قوسما لار دا

-         يانيق لار

-         اداراري آرتيران ماده لرين ايچيلمه سي  مثلا  چاي ، قهوه ، گازوز لار

   (نوشابه گاز دار) و الكل لي  ايچكي لر

بدن ده يونگول ( خفيف ) امما  كهنه ( مزمن ) سوسوز لوق عارضه لري

-         بويرك داشي و يبوسته  توتولما ( ابتلا ) خطرينين آرتيشي

-         ادرار يولو سرطانينا   توتولما  خطرينين آرتيشي

-         سينه و قالين باغيرساق سرطانينا توتولما خطرينين آرتيشي

-         خير دا ياشليلاردا يوغونلاما  ( چاقي )  عاريضه سينه توتولما

-         جيسماني وذهني ايشلكليين آزالماسي

-         بدن ايفراضاتينين آزالماسي مثلا  آغيز سويو ( بزاق )

-         اگر سيز تاپيشيريلان  8 ليوان  سو دان  5- 4 %  ين  ايچسه نيز 

سيزين جيسماني و ذهني ايشلك ليينيز 30 – 20 %   آزالاجاقدير .

او واخت لار كي بدنين چوخ  سو  يا احتياجي وار

-         او واخت كي  بيري  چوخ پروتئين لي ييه جك يئيير  چون اونو جذب ائتمك

اوچون چوخلي سو گركليدير

-         او واخت كي  بيرينين   ييه جك لرينده چوخلي فيبر لي  ماده وار

-         اوشاقلارا چوخلي سو گركليد ير

-         او واخت كي  بيري   ايسال  يا  استفراغ   توتوب

-         او واخت كي  بيري  چوخ آغير  چاليشير

-         ايسسي  و نملي  ها وا لار دا بد نين چو خ  سو يا احتياجي وار

-         او واخت كي بيرينين   تبي وا ر و يا  نا خوش دور

-         او واخت كي بيري  كافئين  لي ماده يا چاخير ايچير

     سيز عزيز دوست لاريما هميشه ساغليق لي و سئوينجلي  ياشام  آرزولايرام .

                                                                   10/ 5 / 85